"Боруссия" Менхенгладбах ҳимоячиси Альваро Домингес 27 ёшида фаолиятини тугатиши сабабларини ошкор қилди.
Бунга унинг кўп марта олган жароҳатлари сабаб бўлган, айниқса белидан олган жароҳати.
"2015 йилнинг февралида белимда кучли оғриқлар сездим. Шифокорлар теширишди ва хавотир олмаслигимни айтишди, аммо тез орада аҳволим янада ёмонлашди. Май ойига келиб зўрға юра олардим, аммо шифокор бу ҳаммада шундай бўлишини айтди. Тикланиш учун бир нечта ўйинларни ўтказиб юбордим, аммо 20 дақиқадан ошиқ ўйнай олмасдим. Бир ойдан сўнг текширув учун Мадридга бордим ва ўша ерда жароҳатим жиддийлигини билдим.
Ўйнай олмай ва мшғулотларда қатнашмай қолганимда, шунчаки кроватга ётардим. Майдонда профессонал эдим, ундан ташқарида яроқсиз бўлиб қолдим. Магазинга чиқиб келиш ёки таом тайёрлаш учун дўстларимга илтимос қилишга тўғри келарди.
Бу ҳаётимдаги энг ёмон кунлар эди. Мен ярим саотдан ошиқ тик тура олмасдим, бу депрессияга олиб келди. Клуб менга ҳеч нарса таклиф қилмади ва мен Европанинг энг яхши мутахассисларидан маслаҳат олиш учун кетдим. Клуб томонидан одамгарчиликни сезмадим. "Боруссия" мени текширмади ва даволанишим учн маблағ ҳам ажратмади. "Атлетико"да менга бу аҳволда ўйнашимга йўл қўймасдилар. Германияда ҳеч нарса қилишмади. Қўл остингда ишлайдиган инсонларга бундай муносабатда бўлмаслик керак", - дейди Домингес.
"Атлетико"нинг 27 ёшли тарбияланувчиси 2012 йилда "Боруссия" М сафига ўтган ди. У Испания терма жамоаси сафида икки марта майдонга тушган.
