"Барселона" ҳужумчиси Неймар "Олтин тўп"ни қўлга киритиш унинг учун бош мақсад эмаслигини маълум қилди.
Бразилиялик футболчининг бу жавобига унинг "Олтин тўп"ни қўлга киритиш учун бошқа клубга ўтиш-ўтмаслиги ҳақидаги савол сабаб бўлди.
"Барселона"да жуда бахтиёрман, бу ердаги ҳаётимдан мамнунман. Албатта, бу совринни олиш мақсадим бор, аммо "Олтин тўп" учун ўлмоқчимасман. Шунчаки, бахтли инсон бўлмоқчиман ва "Барселона"да бахтиёрман. "Олтин тўп"ни ололмасам, бунинг қўрқинчли жойи йўқ. Бу соврин бажарилган ишлар учун берилади. Афсуски, биттагина "Олтин тўп" бор, Месси эса - дунёда энг яхшиси. У билан бир жамоада ўйнаш мен учун шараф", - дейди Неймар.