Жорий мавсумда илк марта мухлисларга топшириладиган FIFA Fan Award соврини учун номзодлар маълум қилинди.

Мутахассислар гуруҳи фанатлар иштирокидаги эсда қоларли учта энг яхши воқеаларни ажратиб олди.

Биринчи номзод – Голландиянинг «АДО Ден Хааг» клуби мухлислари. Улар Sophia шифохонаси болаларини «Фейеноорд» клубига қарши ўйинга ташриф буюришини билиб, ўйинчоқлар учун пул йиғишган ва стадионда уларга совға қилишган.

Иккинчи номзод - «Боруссия» Д ва «Ливерпуль» клуби мухлислари. Улар «Хиллсборо» стадионидаги фожиа қурбонларини хотирлаб, You’ll Never Walk Alone қўшиғини бирга куйлашган.

Учинчи номзод – Исландия терма жамоасининг мухлислари бўлиб, Евро-2016да машғур бўлиб кетган «Ху» қичқириғи билан футболчиларини қўллаб-қувватлаб туришган.

FIFA Fan Award соврини ғолиби интернет орқали ўтказиладиган сўровномада аниқланади.