Италия терма жамоасининг бош мураббийи Жампьеро Вентура дарвозабон Жанлуижи Буффон билан бирга ишлаш имконияти ҳақида гапирди.
«Буффон мураббийлар штабида? Нега энди йўқ бўларкан? Ҳа, мураббий бўлиб ишлаб кўрмаган одам учун бу ноаниқлик сари босилган қадам бўлади. Бироқ у жамоага ёрдам бериши, футболчиларни танлашда иштирок этиши мумкин.
Буффон – майдонда ва унинг ташқарисида жамоадошлари, Футбол федерацияси ва мен учун ўрнак бўла олади.
Албатта у ўз йўлини ўзи танлайди, бироқ Италия уни терма жамоага жалб қилмаса хатога йўл қўйган бўлади» - деди Вентура.
