«Манчестер Юнайтед» яримҳимоячиси Генрих Мхитарян Англиялик журналистларни ўз билими билан ҳайрон қолдирмоқда.
Сўнгги ўйинларда яхши ҳаракат қилаётган футболчи инглиз тилида бемалол интервью бериши, уни мукаммал ўзлаштирганини намойиш қилиши билан ажралиб турмоқда. Журналистларнинг фикрига кўра, Мхитарян инглизчада Рунидан ҳам яхшироқ гапирмоқда.
Бундан ташқари арманистонлик футболчи 7та тилда гапира олиши билан барчани лол қолдирган. Хусусан у қадрдон арман тилидан ташқари рус, инглиз, француз, немис, украин ва португал тилларида сўзлаша олади.
