«Реал» ҳужумчиси Альваро Мората Испания чемпионатидан ўрин олган «Депортиво» (3:2) клубига қарши ўйиндан сўнг ўз фикрлари билан ўртоқлашди.
Унда ҳимоячи Серхио Рамос сўнгги дақиқада гол уриб, жамоасига ғалаба келтирганди.
«Рамос яна гол урганида кўзларимга ишонмадим. Умид қиламанки, у ҳар доим шундай гол уради. Биз ўйинларнинг якунини шу тарзда ўтказмоқчи эмасмиз, аммо умид қиламизки Серхио ҳар доим бизга ёрдамга келади. Буни қандай амалга оширишига ақлбовар қилмайди» - деди Мората «Реал» клубининг расмий сайтида.
