Бугун Швейцариянинг Ньон шаҳрида Европа Чемпионлар лигаси ва Европа лигаси плей-офф баҳсларига қуръа ташлаш маросими бўлиб ўтади.

Тошкент вақти билан соат 16:00да Европа Чемпионлар лигасининг гуруҳ босқичидан плей-оффга йўл олган 16 жамоаси ўз рақиблари номини билиб олишади.

Эслатиб ўтамиз Чемпионлар лигаси плей-офф босқичига қуйидаги жамоалар йўл олишган: «Арсенал», «Лестер», «Манчестер Сити» (учаласи – Англия), «Атлетико», «Барселона», «Реал», «Севиля» (тўртталаси – Испания), «Боруссия» Дортмунд, «Бавария», «Байер» (учаласи — Германия), «Ювентус», «Наполи» (иккиси — Италия), «Монако», "ПСЖ" (иккиси — Франция), «Бенфика», «Порту» (иккиси – Португалия).

Соат 18:00да эса Европа Лигаси 1/16 босқичига қуръа ташланади.32 жамоа жуфтликларга бўлиниб, 16та жуфтлик ҳосил қилишади.

Европа Лигаси плей-офф босқичига чиққан жамоалар номи:

АПОЭЛ (Кипр), «Аякс» (Голландия), «Бешиктош», «Усмонлиспор», «Фенербахче» (барчаси – Туркия), «Генк» (Белгия), «Зенит» (Россия), «Копенгаген» (Дания), «Лион», «Цент-Этен» (иккиси – Франция), «Рома», «Фиорентина» (иккиси – Италия), «Спарта» (Чехия), «Тоттенхем» (Англия), «Шалке» (Германия), «Шахтер» (Украина), АЗ (Голландия), «Андерлехт», «Гент» (иккиси – Белгия), «Астра» (Руминия), «Атлетик», «Вилярреал», «Селта» (барчаси – Испания), «Боруссия» Менхенгладбах (Германия), «Краснодар», «Ростов» (иккиси– Россия), «Легия» (Польша), «Лудогоретс» (Болгария), «Манчестер Юнайтед» (Англия), «Олимпиакос», ПАОК (иккиси – Греция), «Хапоэл» Беер-Шева (Исроил).

Европа Чемпионлар лигаси ва Европа лигасига қуръа ташлаш маросими "УзРепорт ТВ" телеканалида жонли эфирда намойиш қилинади.