"Интер" яримҳимоячиси Эвер Банега жамоага ярим йил аввал келиб қўшилганига қарамай, қишки трансферлар чоғида клубни тарк этиши мумкин.
"Интер" бош мураббийи Стефано Пиоли яримҳимояга Жоау Мариу ва Марцело Брозовични маъқул кўрмоқда, шунинг учун аргентиналик футболчи "Эвертон"га йўл олиши мумкин.
"Интер" бундан ташқари молиявий фейр-плей қодаларига амал қилиши керак. Ҳозирча клуб дефицити 25-30 миллион еврони ташкил этяпти ва Банегани 10 млн еврога сотмоқчи.
Банеганинг кетиши ҳақида миш-мишлар унинг клуб кечки овқатига келмаганидан сўнг пайдо бўлди. Клуб буни футболчининг оилавий масалалари билан боғлаган.
