"Ньюкасл"нинг собиқ ҳужумчиси Алан Ширер ва "Манчестер Юнайтед"нинг собиқ ҳимоячиси Фил Невилл "МЮ" - "Кристал Пээлас" учрашувидан сўнг (2:1) манчестерликлар ҳужумчиси Златан Иброҳимовичнинг маҳорати борасида баҳслашдилар.
Фил Невилл:
"Иброҳимович ҳар дақиқада, ҳар ўйинда ўйнамоқда. Лига кубогида ҳам, Европа лигасида ҳам Россияга бориб, қайтиб яна ўйнаяпти. Мен уни дунё даражасидаги ўйинчи деб биламан. Ҳар дақивада, ҳар ўйинда ўйнаш - дунё даражасидаги ўйинчиларга хос. Улар ҳаловат истамайдилар."
Алан Ширер:
"Келинглар, аввал дунё даражасидаги ўйинчи дейиш мумкин бўлганларга қараймиз - Месси, Роналду, Суарес. Ибра шуларчалик яхши ўйнайдими? Аввал у дунё даражасидаги ўйинчи эди. Бу шубҳасиз."
