"Бавария", "Ньюкасль" ва "Ливерпуль" клубларининг собиқ яримҳимоячиси Дитмар Хаманн дунёнинг энг яхши ҳужумчиси ким эканлиги тўғрисида ўз фикрига эга.
"Левандовски - айни пайтда дунёнинг энг яхши ҳужумчиси. Унинг "Бавария" билан шартномасини узайтиргани ҳақидаги хабар мухлисларни хурсанд қилди", - дейди Хаманн.
Левандовски "Бавария" билан шартномасини 2021 йилнинг 30 июнигача узайтирди. Янги шартномага кўра, Польша термаси ҳужумчиси мюнхенликларнинг энг кўп ҳақ оладиган ўйинчисига айланди. У йилига 15 миллион евро маош оладиган Томас Мюллер ва Мануэль Нойердан кўра кўпроқ маош олади.
