УЕФА президенти Александер Чеферин ташкилот байроғи остида ўтадиган ўйинларда ҳакамнинг видео-ёрдамчисидан фойдаланиш режалаштирилмаганини айтди.
«Мен ва УЕФА учун бу ҳали эксперимент, синов. Уни қачон қўллашимизни билмайман. Кўрамиз келажакда нима бўларкан. Ҳозирча бу тизимдан фойдаланмоқчи эмасмиз» - деди раҳбар AS хабарида.
Эслатиб ўтамиз, клублар ўртасидаги ЖЧ ўйинларида ФИФА баҳсли вазиятларда видео-ёрдамчилар хизматидан фойдаланмоқда.