"Олмалиқ" футболчилари янги мураббийлар штаби бошчилигида навбатдаги мавсум тайёргарлигини бошлади.

Дастлабки машғулот Ўзбекистон миллий паралимпия ассоциацияси машғулотлар залида ташкиллаштирилди. Футболчилар машғулотни аэробика машқлари билан бошлашди. Шундан сўнг, жисмоний тайёргарлик бўйича мураббий Роман Узденов машғулотни бош мураббий кўрсатмасига биноан давом эттирди.

"Олмалиқ"нинг илк машғулотида қуйидаги футболчилар иштирок этишди: дарвозабонлар - Хуршид Ходжаев (Андижон), Сулейман Абдукаримов (Локомотив), Азамат Аҳмедов (НБУ-Осиё), ҳимоячилар - Ислом Иномов, Раҳматилла Бердимуродов, Абдуқаҳҳор Ҳожиакбаров, Хуршид Мухторов, Темирлан Ерланов (Ордабаси, Қозоғистон), ярим ҳимоячилар - Ғулом Ҳайдар Ғуломов (Машъал), Диёр Туропов, Дониёр Исмоилов, Муҳаммад Исаев, Шоҳназар Норбеков, Дилшод Жўраев, Алибобо Раҳматуллаев (иккаласи - Андижон), Бобир Давлатов (Актобе, Қозоғистон), ҳужумчилар - Дониёр Усмонов, Забиҳилло Ўринбоев (Бунёдкор).