"Реал"нинг собиқ футболчиси Дарси Силвейра дос Сантос "Қироллик клуби"нинг собиқ ҳужумчиси Альфредо ди Стефано билан "Барселона" ҳужумчиси Лионель Мессини таққослади.
"Ди Стефанода ғолиблик руҳияти бор эди. У ҳатто бир песет учун курашда ҳам ғолиб чиқишни истарди. У ўйинлардан сўнг жамоадошларини биринчи бўлиб пивога таклиф қиларди. Альфредо гол урарди ҳужум қиларди, ҳимояланарди...
Ҳозирги футболчилар ичида бундай кенг имкониятли футболчини кўрмаяпман. Месси - буюк футболчи, аммо у ди Стефанонинг даражасига етиши учун ҳали анча ўсиши керак. Месси ди Стефано қилган ишларни қилмайди", - дейди дос Сантос.
