«Барселона»нинг собиқ яримҳимоячиси Хави «Арсенал» ҳужумчиси Алексис Санчес ҳақида ўз фикрини айтди.
Футболчилар 2011 - 2014 йилларда «Барселона» таркибида бирга ўйнаган эди.
«Ҳозирда Алексис Санчес намойиш этаётган савия мени ҳайрон қолдирмаяпти. У Европанинг энг яхши ҳужумчиларидан бири.
Санчес «Барса» таркибида муҳим голларни урган. Ўша пайтда таркибимизда йиғилган юлдузларнинг кўплиги унинг қобилиятини ҳаққоний баҳолаш имкониятини бермаган.
Энди у «Арсенал» рақиблари учун асосий хавф. Ҳозирги кунда у дунёнинг энг яхши ҳужумчиларидан бири» - деди Хави.
