ФИФА президенти Жанни Инфантино «Америка» – «Реал» (0:2) ўйини якунида Криштиану Роналду томонидан урилган гол видеолавҳасини ҳакамлар томонидан кўриб чиқилиши ҳолатига изоҳ берди.
Энрике Касерес бошчилигидаги ҳакамлар бригадаси голни такрорий лавҳада томоша қилиб, кейин ҳисобга олишган эди.
Бугун ўтказилган матбуот анжуманида Инфантино бош ҳакам билан боғланувчи тугмача тасодифан босилганини, натижада голни аниқлашда чалкашлик юзага келганини айтди.
Видеоҳакамлар хонасида тугмача босилганидан сўнг бош ҳакам Касерес уларнинг муҳокамасини эшитиб қолган ва голни ҳисоблаш ҳақидаги қарорини тўғри эканига ишонч ҳосил қилмоқчи бўлган.
