"Ювентус" дарвозабони Жанлуижи Буффон А сериянин 17-турида "Рома" устидан қозонилган ғалабадан сўнг фикрларини билдирди.
"Ушба ғалабанинг аҳамиятини ошириб юбормайман, чунки, мавсум тугашига ҳали анча вақт бор. Аммо "Рома"ни мағлуб тиб, ўзимизга ишончни мустаҳкамладик ва орадаги фарқни ошириб олдик.
Бу биз учун янги йил таътилига аъло кўрсаткичлар билан чиқишимизга сабаб бўлади. Бугун жамоалар ажойиб ва мақтовга лойиқ ўйин кўрсатишди. "Рома" ўз обрўсига муносиб равишда ғалаба учун ўйнади, Шченсни са икки-уч ажойиб сейв ижро этди.
Ўйин охирида ҳисобни ушлаб қолиш бизга осон кечмади. Менимча, "Женоа"дан мағлуб бўлганимиздан сўнг бизда нимадир ўзгарган. Бугун айнан ўша мағлубият туфайли ғалаба қозондик", - дейди Буффон.