"Рома" яримҳимоячиси Рожа Наингголан А сериянинг 17-турида "Ювентус"дан учралган мағлубиятдан сўнг (0:1) жамоасининг рақибдан асло кусчиз эмаслигини айтди.
"Бу аламли мағлубият, ахир биз "Ювентус"дан кучсиз эмасмиз ва бугун рақибдан ёмон ўйнамадик. Биргина вазият ўйин тақдирини ҳал қилди. Бурчак тўпларидан сўнг кўплаб вазиятларимиз бўлди, аммо тўп дарвозага бориб тушишни истамади. Ўйлашимча, кўрсатган ўйинимиздан қониқишимиз керак, чунки, "Юве" майдонида ўйнаш осон эмас.
7 очко - бу катта фарқ, энди "Ювентус" учта мағлубиятга учраши керак. Бу оғир вазият, аммо ишончни йўқотмаймиз. Бугунгидай ўйнашда давом этсак, ҳамма нарса содир бўлиши мумкин. Бугунги ўйинда дуранг ҳаққоний ҳисоб бўлар эди", - дейди Наингголан.