Бразилиялик башоратчи Карлиньос яна бир шов-шувли баёнот билан чиқди.
Шу йилнинг март ойида у бутун бошли бир жамоа ҳалокатга учраши ҳақида гапирган, бироқ уни номини тилга олмаган эди. Ноябрь ойида эса «Шапекоэнсе» клуби авиаҳалокатга учрагач, Карлиньос мамлакатда машҳур бўлиб кетди.
Яқинда 53 ёшли бу шахс яна бир баёнот билан ҳаммани даҳшатга солди. Унинг гапига кўра, ЖЧ-2018 мусобақасидан олдин Чили терма жамоасининг машҳур футболчиси ҳаётдан кўз юмади.
«Биз Чили терма жамоасининг афсонаси бўлишга улгурган, бироқ ҳозирда бошқа давлатда тўп сураётган машҳур футболчидан айриламиз. У ЖЧ-2018 да иштирок этолмайди, чунки вафот этади» - деди Карлиньос.
Бразилия матбуотида эса шу заҳотиёқ бу футболчини Алексис Санчес экани ҳақида тахминлар пайдо бўлди.
