"Реал" яримҳимоячиси Хамес Родригес қишки трансферлар чоғида "Қироллик клуби"ни тарк эта олмайди, дея хабар беради Marca.
Манбага кўра, мадридликлар раҳбарияти ва мураббийлар штаби колумбиялик футболчини ёзгача жамоада ушлаб туришмоқчи. Агар Хамес ёзда клубни тарк этишни истаса, клуб буни кўриб чиқади.
Хамес клублар ўртасидаги ЖЧ финалида "Касима Антлерс" билан учрашувдаги ҳалабадан сўнг (4:2) клубдан кетиши мумкинлиги ҳақида оғиз очган эди. Футболчи кўпроқ ўйин амалиётига га бўлишни истаётганини айтган, унинг сўзлари раҳбарият, мураббийлар штаби ва жамоа ўйинчиларига ёқмаган. "Реал" сардори Серхио Рамос бу гапларни айтиш учун нотўғри вақт танлаганини айтиб, Хамесни койиган эди.
