Nike вице-президенти Макс Блау "Реал" ҳужумчиси Криштиану Роналду учун бутса тайёрлашда нималарга эътибор берилишини маълум қилди.

"Ҳаммаси Роналдудан бошланади, унинг фикрича, у янада кучлироқ бўлмоқчи ва биздан ёрдам кутади. Биз унга ёрдам бериш мақсадида унинг учун янги бутса яратамиз. Mercurial Superfly бутсалари шундай пайдо бўлган.

Ҳар бир ўйинчининг ўз севимли ранги бўлади, оёқ кийимнинг ранги футболчининг миясидаги кимёвий реакцияларга таъсир ўтказиши илмий жиҳатдан исботланган. Ўзингни яхши ҳис қилсанг, яхши ўйнайсан. Ранг ишонч бағишлайди.

Масалан, Криштиану қора бутсаларни ёқтирмайди, чунки улар секинроқ кўринади, у эса тезликни ҳис қилишни хоҳлайди", дейди Блау.