«Барселона» президенти Жозеп Бартомеу Спорт арбитраж судининг (CAS) «Реал» клубига ФИФА томонидан қўйилган тақиқни юмшатилиши ҳақидаги қароридан таажжубда эканини айтди.
2014 йили ФИФА «Барселона»га ҳам худди шундай жазони қўллаган, аммо CAS жазони ўз кучида қолдирган эди.
«Барселона» ва «Реал»нинг адвокатлари бир хил эди, аммо негадир фақат мадридликларнинг жазоси юмшатилди, шунинг учун ҳам мен тушунтириш талаб қиламан. «Реал» ва «Атлетико» клублари иши ҳақида батафсил маълумотга эга эмасман, бироқ бу ишлар бир-бирига ўхшаш, шунинг учун ҳам бу борада ҳуқуқшунослар билан маслаҳатлашаман. Қонун ҳамма учун бир хил бўлиши шарт» - деди Бартомеу.
