Дрезденнинг «Динамо» клуби футболчиси Марк Вакс холасига тегишли бўлган дўкончада юз берган отишмада яраланди, деб хабар бермоқда Bild.
21 ёшли футболчи холасини кўриш учун борганида тасодифан дўкончани ўмариш учун келган номаълум шахсни кўриб қолган. У эса ўз навбатида қуролидан ўқ узиб, қочиб кетган. Натижада дўконча эгаси ҳалок бўлган, футболчи эса оғир аҳволда касалхонага ётқизилган. Айни пайтда полиция жиноятчини излаш билан шуғулланмоқда.
Эслатиб ўтамиз, Дрезденнинг «Динамо» клуби 2-Бундеслигада иштирок этади.
