"Олтин тўп - 1986" соҳиби Игорь Беланов France Football нашри томонидан ўтмишдаги қарорларни қайта кўриб чиқилганига ўз муносабатини билдирди.
Гап шундаки, 1994 йилгача бу соврин фақат Европада ўйнаган футболчиларга топшириларди. Шу туфайли France Football 1986 йилги "Олтин тўп" Белановга эмас, балки Диего Марадонага берилиши керак эди деб ҳисоблаганди.
"Яхшиямки совринни Марадонага беришга тўғри келди. Акс ҳолда бунга рози бўлмасдим. Диего билан гаплашиб олдик, у менга миннатдорчилик изҳор қилди. Агар жиддий айтадиган бўлсам, бу гаплар мени кулгимни қистади. Янги йил арафасида кимдир ҳазиллашмоқчи бўлди шекилли. Бироқ мен одессаликман ва ҳазилни тўғри тушунаман" - деди Беланов Спорт-экспресс хабарида.
