«Милан» яримҳимоячиси Сусо жамоанинг Италия чемпионатидаги имкониятларига баҳо берди.
«Эгаллаб турган ўрнимиз мени ҳайрон қолдирмаяпти. Мен ёздаёқ бу мавсумда яхши иштирок эта олишимизни билгандим. Аввал биз билан «Ювентус», «Рома» ва «Наполи» клублари орасидаги фарқ катта эди. Аммо ҳозирда яна сара жамоалар сафида эканимизни исботламоқдамиз.
Агар шундай ўйнашда давом этсак, аввалги «Милан» қайтади. Муҳими кичик жамоаларга қарши ўйинларда очко йўқотмаслик лозим» - деди Сусо.
Италия чемпионатининг 17-туридан кейин «Милан» 5-ўринда бормоқда.
