Мадриднинг “Реал” клуби ҳимоячиси Пепе билан шартномани узайтириш борасидаги музокаралари омадсиз якунланди.
Cadena Cope нашрининг маълум қилишича 33 ёшли футболчи мадридликларнинг шартномани узайтириш борасидаги таклифини рад этган.
Юқоридаги манбада ёзилишича “қироллик клуби” мавсум сўнггида шартномаси ниҳоясига етадиган Пепега яна 1 йиллик шартнома таклиф қилган, аммо португалиялик футболчи бу таклифга рози бўлмаган.
Аввалроқ Пепенинг хизматларига “Манчестер Сити” ва яна бир нечта инглиз жамоалари жиддий қизиқиш билдираётганлиги ҳақида хабарлар тарқалган эди.
Маълумот учун, Португалия терма жамоаси аъзоси ушбу мавсум “Реал” сафида 11та учрашувда майдонга тушиб, ўз ҳисобига 1та гол ва 1та голли узатма ёздириб қўйишга эришган.
