"Барселона" бош мураббийи Луис Энрике Испания кубоги 1/16 финалида "Эркулес" устидан қозонилган ғалабадан сўнг (7:0) фикрлари билан ўртоқлашди.
"Биз рақибнинг худди биринчи ўйиндаги каби ўйин кўрсатиши тахмин қилган эдик. Биринчи ўйинда баъзи футболчиларимизга дам берганимиз учун майдонда бўш ҳудуд топишга қийналгандик. Бу ўйин кўп ўйинчилармизга туртки берди.
Жипслашиб ўйнаётган рақибга қарши майдонни "кенгайтирмоқчи" бўлдик, шунинг учун қанот ҳимоячилармизга юқорироқ ўйнашни айтдим. Биринчи бўлимда тўп билан аъло даражада муомала қилдик, бу билан рақиб ўйинчиларини ҳолдан тойдирдик. Иккинчи бўлимда кўпроқ вазиятларга эга бўлдик. Биз мақсадли жамоамиз, биз ҳамма мусобақада ғолиб бўлишни истаймиз", - дейди Энрике.
