Ўтган мавсумнинг иккинчи даврасида "Қўқон-1912" сафига келиб қўшилган сербиялик футболчилар Никола Валентич ва Дарко Гожкович ишончли ўйинлари билан мухлислар меҳрини қозонишган эди.
Янги мавсум арафасида кўпчилик мухлислар легионерларнинг кейинги тақдири билан қизиқишди.
Мухлислар учун яхши янгилик. Ҳар икки нафар легионернинг жамоага қайтиши аниқ бўлди. Футболчилар билан оғзаки келишувга эришилди. Айни дамда уларнинг виза масалалари ҳал бўлмоқда.
Никола Валентич ва Дарко Гожкович 3 январь куни бошланадиган иккинчи йиғинда жамоамиз сафига келиб қўшилишади.
