ПСЖ президенти Носир Ал-Хилайфий ҳужумчи Хесе Родригесни «Лас-Пальмас» клубига ижарага кетиши ҳақида гапирди.
«Мураббий ва Патрик Клюйверт билан трансферлар ҳақида гаплашганимизда фақат клуб манфаатларини кўзлаймиз. Эмери менга: «Хато қилинганда уни тўғирлашга ҳаракат қилиш керак, у билан яшамаслик керак» деб айтган. Шу туфайли ҳам бу хатони тўғирлаймиз. Эшигимиз ёпилмаган» - деди Ал-Хилайфий.
Хесе ёзда «Реал» клубидан 25 млн евро эвазига ўтган эди. Жорий мавсумда футболчи Франция чемпионатининг 9 ўйинида майдонга тушиб, 1 гол урган ва 1 голли узатмани амалга оширган.
