«Бавария» ҳужумчиси Роберт Левандовски «Олтин тўп» учун ўтказилган сўровномада 16-ўринни эгаллагани ҳақидаги хабарни юзида табассум билан қабул қилди.
«Буни англаш қийин. Футболни тушунадиган одамлар бу сўровнома натижаларидан ҳайрон бўлиши аниқ. Қайси ўринни олишим керак эди? «Бавария» билан Германия чемпионати ва кубогини ютиб олдим. Бундеслиганинг энг яхши тўпурари бўлдим. Чемпионлар лигаси тўпурарлари баҳсида 2-ўринни эгалладим.
Польша билан Евро-2016 чоракфиналига етиб бордим. Ўз ютуқларимдан мамнунман. Ўзим учун мен биринчиман» - деди 28 ёшли футболчи Przeglad Sportowy хабарида.