"Атлетико" ҳужумчиси Антуан Гризманн GQ журналига интервью берди.

"Ўтган мавсумнинг ҳал қилувчи ўйинлари қийин бўлганди, икки финал ҳам муҳим эди, аммо чемпионлар лигаси финалидан сўнг кўпроқ афсуслангандим. Тайёргарлик учун икки ҳафта вақтимиз бор ва биз ғалабани қандай нишонлаш ҳақида кўп суҳбатлашган эдик. Натижада пенальтилар сериясида ютқазиб қўйдик.

Симеоне? Бу тўғри, ўтган йили у "Атлетико"да қоладими, йўқми, бу билан қизиққан эдим, чунки Францияда миш-мишлар кўпайган эди. Мен қўрқмасдим, аммо мен учун жамоадошларим ва Симеоне билан муносабатларим бунга ўйланишга мажбур қилар эди.

"Олтин тўп"га давогарлик? Роналду ва Месси билан учликдан ўрин олганимдан жуда хурсандман.

2017 йилни яхшироқ бошлашга умид қиламан. "Атлетико" ва Франция терма жамоалари учун бажарган ишларим билан фахрланаман. Шу руҳда давом этишга ҳаракат қиламан.

"Атлетико"? Ҳозир тўп билан ишлаяпмиз, аммо жамоавий ҳимояланяпмиз ва ҳужумга ўтяпмиз. Бизни ҳимоявий усулимиз учун танқидларга ътибор бермаймиз, чунки, биз ғалаба қозонишни истаймиз. Бу ерга келганимда ҳаммаси янгича эди. Бизда машғулотлар жадал ва кўп югуришга тўғри келади.

Албатта, мослашиш қийин бўлди, аммо декабрда яхшилаб ишласам асосий таркибдан жой ола билишимни тушунганман", - дейди Гризманн.