"Сандерленд" ҳужумчиси Жермейн Дефо АПЛнинг 18-турида "Манчестер Юнайтед"га қарши учрашув (26 декабрь) олдидан фикрлари билан ўртоқлашди.
"Ҳозир "МЮ" ўзининг энг яхши футьболини кўрсатмоқда. Уларда ўзларига ишонч бор, шунинг учун бизни қийин ўйин кутиб турибди. "Олд Траффорд"да "Манчестер Юнайтед" билан бошқача бўлиши ҳам мумкин эмас.
Биз топ-жамоага қарши унинг майдонида ўйнаймиз, шунинг учун биринчи навбатда уларга гол уриш имкониятини бермаслигимиз керак. Агар буни уддалай олсак, вазият яратишга ҳаракат қиламиз. "Олд Траффорд"да биз учун вазиятлар унча кўп бўлмаслигини биламиз, шунинг учун кам сонли вазиятлардан фойдаланишимиз керак", - дейди Дефо.