Франциялик футболчи Матьё Фламини Янги йил арафасида собиқ жамоадоши Сеск Фабрегаснинг уйига Қорбобо либосида ташриф буюрди. Бу ҳақда Фламини Twitter саҳифасида маълумот берди ва суратини унга илова қилди.
Фламини айни вақтда «Кристал Пэлас» аъзоси ҳисобланади. Сеск Фабрегас эса Лондоннинг бошқа бир клуби «Челси» сафида фаолият олиб боради. Улар 2004—2008 йиллар оралиғида Англия пойтахтининг яна бир клуби «Арсенал» сафида тўп сурган.
32 ёшли франциялик футболчи ташрифи билан Фабрегаснинг қизалоқларини хурсанд қилишни истаган. «Ўйлаб кўрингчи, бу йил Қорбобо ким экан! Янги йил муборак бўлсин!», деб ёзилган Фламинининг саҳифасида.
