«Барселона» ҳужумчиси Неймар жамоадошлари Месси, Луис Суарес ва Иньеста ҳақида гапирди.
«Биз тарихни яратмоқдамиз, буни биламиз ва янада яхши ўйин намойиш этяпмиз. Биз майдонда бирга бўлишни ва хурсандчилик қилишни истаймиз.
Биргаликда ўйнаш – катта шараф. Ҳа, бу бироз ғалати, чунки мен бразилияликман, Месси аргентиналик, Суарес эса уругвайлик. Жанубий Америкада биз рақибмиз, аммо барибир дўстмиз. Бир-биримизга ҳазил қиламиз. Бундай одамлар билан футболда бирга эканимдан хурсандман.
Иньеста – мен кўрган футболчилар ичида энг яхши яримҳимоячи. Унинг ўйини ва савияси ҳайратда қолдиради. Бошқа гап йўқ. Уни ҳеч ким билан тенглаштириб бўлмайди. У бошқалардан ўйини ва ҳаракатлари билан ажралиб туради» - деди Неймар.
