"Навбаҳор"нинг Наманганда ташкил этилган йиғини давом этмоқда.
Бугун футболчилар бир маҳаллик машғулотда қатнашишди. Эртага эса машғулотлар икки маҳал ўтказилади.
28 декабрь куни дастлабки йиғин якунига етади. Айнан шу куни жамоа биринчи лига вакили, Уйчининг “Хотира-79” жамоасига қарши назорат ўйинида майдонга тушади. Учрашув ўтказиладиган ўйингоҳ масаласи ҳозирча очик турибди. Шу сабабли бу ҳақда кейинроқ аниқ маълумот бериб ўтамиз.
Эртадан ёшлар ҳам қисқа муддатли йиғин ташкил этиш мақсадида тўпланишади. Мураббийлар штабининг қарорига кўра келгусида ёшларимиз билан Мустафо Байрамов ва Шуҳрат Қорабоев иш юритадиган бўлишди.
