Камерунлик машҳур футболчи Самюэль Это'О Иброҳимовичнинг кетиши ПСЖ клуби учун фойдали бўлгани ҳақида гапирди.
«Аслида ўша пайтда икки жамоа бор эди. ПСЖ-Ибра ва Ибрасиз ПСЖ. Баҳслашмайман, у буюк футболчи. Аммо Чемпионлар лигасининг муҳим ўйинларида жамоа Златанга ҳаддан ташқари таяниб қолган. Натижада, Златаннинг ўйини чиқмаса, жамоа ҳар доим ютқазиб келган.
Энди ПСЖда ажойиб таркиб бор, у ҳақиқий жамоавий ўйин кўрсатмоқда. Бу эса Чемпионлар лигасида ғолиб чиқмоқчи бўлган жамоага энг керакли нарса. Улар Франция чемпионатида яхши иштирок этолмаяпти, аммо омади келяпти» - деди Это'О The Sun хабарида.
