Колумбия терма жамоасининг собиқ бош мураббийи Франсиско Матурана «Реал» яримҳимоячиси Хамес Родригес билан боғлиқ вазиятга изоҳ берди.
«Хамеснинг «Реал» таркибида жуда кам ўйнаётганидан таажжубда эмасман. Бу клуб мураккаб тузилишга эга ва Родригес у ерда ўзини топиб кетиши қийин. Мураббий биринчи навбатда жамоа ютуғини ўйлайди, айрим футболчиларнинг манфаатини эмас. Хамес ўз келажаги ҳақида ўзи бир қарорга келиши керак, мен унга маслаҳат бермоқчимасман» - деди Матурана Cadena Ser хабарида.
Аввалроқ, Хамеснинг агенти Жорже Мендеш мижозини қишда бошқа клубга ўтишини айтган эди.
