Африка қитъасининг Руанда давлатида, футбол ўйинлари пайтидаги сеҳрдан фойдаланиш тақиқлаб қўйилди.
Гап шундаки, мамлакат чемпионатидан ўрин олган «Район Спортс» - «Мукура Виктори» ўйинида, мезбонлар ҳужумчиси Мусса Камара рақиб дарвозаси олдида қўллари билан сеҳру жодуга ўхшаш ҳаракатларни қилган. Бир неча дақиқадан сўнг эса гол урган.
Бундай ҳолат деярли ҳар бир ўйинда юз бераётгани сабабли, Руанда футбол федерацияси сеҳр учун жаримани жорий қилди.
Бундан буён футболчи томонидан сеҳру жодуни қўлланиши 120 минг руанда франки (ёки 120 АҚШ доллари) миқдорида, агар бутун жамоа сеҳргарлик қиладиган бўлса 2,9 млн франк (ёки 3530 АҚШ доллари) миқдорида жаримага тортилишига олиб келади. Бундан ташқари айбдор жамоа очколардан маҳрум қилинади.
