"Ювентус" ҳимоячиси Патрис Эвранинг агенти Федерико Пасторелло мижозининг АПЛга кўчиб ўтиши ҳақидаги хабарларга изоҳ берди.
Аввалроқ 35ёшли футболчининг хизматларига "Вест Ҳэм" қизиқаётганлиги айтилган эди.
"Бу янгилик қаердан пайдо бўлди, билмайман. Тўғрисини айтсам, Патрис "Ювентус"да ўзини яхши ҳис қиляпти. Тан олишим керак, у ҳам ҳамма футболчилар каби кўпроқ ўйнашни истайди.
У АПЛга қайтиши мумкинми? Тўғриси, билмайман. Ҳозирда ҳеч қандай аниқ таклиф йўқ", - дейди агент.
Эвранинг "Ювентус" билан шартномаси ёзда тугайди. Футболчи бу мавсумда А серияда олти, ЕЧЛда ҳам олтита ўйин ўтказган.
