Англиялик ҳакам Марк Клаттенбург Хитой суперлигасидан тушган таклифни кўриб чиқишга тайёр.
«Хитойда футболни ривожлантириш учун барча ишни қилишяпти. Бу нарса клублар томонидан амалга оширилаётган йирик трансферлардан ҳам кўриниб турибди. Мен фаолиятимнинг узоқ муддатли стратегиясини кўриб чиқишим керак. Премьер-лигада 12 йилдан бери ишлаяпман, бу ажойиб вақт.
Ҳозирча менга Хитойдан аниқ таклиф йўқ, лекин таклиф тушса, мен уни албатта кўриб чиқаман. Лекин ҳозирда АПЛда ишлаш ва УЕФА билан ҳамкорлик қилиш менга ёқмоқда .
Ҳакамлар ҳеч қачон молиявий манфаатни биринчи ўйинга қўйишмайди. Гап мамлакатда ҳакамликни ривожлантириш ҳақида кетмоқда. Уэбб ҳам Саудия Арабистонида ишлаганди. Сифатли ҳакамлик — бу футболнинг ажралмас қисми», – дейди Клаттенбург.