«Реал» ҳужумчиси Криштиану Роналду «Бинго» ўйинини ёшлигидан бери ёқтиришини айтди.
MorninGlory Radio эфирида, 31 ёшли футболчи дўстлари орасида айнан «Бинго» ўйнаб кўп вақт ўтказиши, бу ўйинни 10 ёшидан буён ёқтириб қолгани ҳақида гапирди.
«Ўйинни тугатиш учун бахтли рақам чиқишини кўп вақт кутишингизга тўғри келади. Бошқа ўйинчилар ҳам шуни кутиб ўтиришади, бу жуда мароқли» - деди Роналду ўйин ҳақида гапираркан.
«Бинго» бу кўпроқ ўзимизнинг «Лото» ўйинига ўхшаш бўлиб, унда рақамлар тасодифий тарзда танланади, ўйинчилар эса ўз карточкаларидаги шу рақамларни ёпиб боришлари шарт. Қайси ўйинчи тезроқ ёпиб бўлса, ўша ғолиб чиққан ҳисобланади ва «Бинго!» деб қичқиради.
