"Шахтёр" ҳимоячиси Дарио Срна "Барселона" таклифини қабул қилишга шошилмаяпти.
El Mundo Deportivo хабарига кўра, 34 ёшли хорватиялик футболчи таклиф этилган шартнома бандлари туфайли каталонияликлар сафига ўтишга иккиланяпти. "Барселона"нинг таклиф этган шароит "Шахтёр"никидан ёмонроқ. Бунинг устига Испаниядаги солиқ Украинадагидан баландроқ.
Бундан ташқари Срна терма жамоадаги шериги Иван Ракитичнинг шартномаси шартлари анча яхшилигидан хабардор.
Срна таътил вақтида "Барселона" спорт директори Роберт Фернандес билан алоқада бўлб турди. Фернандес футболчига таклифни бундан ортиқ яхшиланмаслигини айтган, гап футболчининг жавобида қолмоқда.
