«Интер» ва «Валенсия» клубларининг собиқ бош мураббийи Эктор Купер 2016 йилнинг энг яхши футболчисига ФИФА томонидан топшириладиган мукофот тўғрисида гапирди.
«Мен Мессини танлайман, лекин у мени ватандошим бўлгани туфайли эмас. Месси ўтган йилда жуда яхши ўйин намойиш қилди. «Барселона» ва Аргентина терма жамоасининг ютуқларига жуда катта ҳисса қўшди. Унга совринлар борасида бироз омад етишмади, аммо унинг ўйини гўзал ва ҳал қилувчи бўлди.
Роналду эса бир неча совринни ютиб олган бўлса-да, ёрқин ўйин намойиш этолмади. Жамоасининг ютуқларида катта рол ўйнамади.
Шунинг учун ҳам 2016 йилнинг энг яхши футболчисига топшириладиган совринни Месси олиши керак. Роналду бунга лойиқ эмас» - деди Купер Goal хабарида.
