«Атлетико» ҳужумчиси Антуан Гризманн «Манчестер Юнайтед» клубига ўтиши мумкинлиги ҳақидаги хабарларга изоҳ берди.
«Мен «Атлетико» клубида бахтиёрман. Бу мухлислар учун, мураббий учун, жамоадошларим учун ўйнашдан фахрланаман. «Атлетико» мухлисларининг ишончини қайтаришга ҳаракат қиламан.
Мендан келажак ҳақида бошқа сўраманг, бундай саволлар менга ёқмайди. Криштиану, Месси ёки Бэйлдан келаси йили қаерда ўйнаши ҳақида ҳеч ким сўрамайди.
Менга ҳам бундай саволлар ёқмайди. Шахсан мен «Атлетико»да бахтиёрман ва бундан завқ оламан. Бу ҳақда бошқа сўраманг» - деди Гризманн.
