BoxRec талқини бўйича Ўзбекистоннинг энг яхши боксчиси Малайзиядаги халқаро мусобақада рингга кўтарилади.
7 январь куни BoxRec талқини бўйича Ўзбекистоннинг энг яхши боксчиси Малайзиядаги халқаро мусобақада рингга кўтарилади. Бу ҳақда BoxRec сайтида хабар қилинди.
Маълумотнома. BoxRec — нуфузли Британ ресурси бўлиб, профессионал боксчилар рейтингларини эълон қилади. Кўплаб промоутерлар, менежерлар ва боксчилар унинг рейтингига киришга ҳаракат қилади.
JIBC`да Сингапул, Бирлашган Араб Амирликлари, Индонезия, Таиланд, Филиппин ва Ўзбекистон вакиллари иштирок этади.
23 ёшли Қудратулла Абдуқаҳҳоров (8−0−0, 5 КО) 2015 йил октябрида ўз дебютини бошлаган бўлиб, тўққизинчи жангини олиб боради. Унга 28 ёшли филиппинлик Ромео Жакосал (18−13−1, 10 КО) рақиблик қилади. Андижоннинг Қўрғонтепасидан бўлган боксчи World Boxing Federation, ёшлар ўртасидаги World Professional Boxing Federation ва 66,7 кг гача ярим ўрта вазнда Осиёнинг Asian Boxing Council талқинлари бўйича ҳам чемпионлик титулига эгалик қилади.
24 ёшли Азизбек Абдуғафуров (3−0−0, 3 КО) ўзининг сўнгги жангида 72,6 кг гача вазн тоифасида WBC талқини бўйича Осиё чемпионлигини қўлга киритди. Бўлғуси жангда у индонезиялик 34 ёшли Александр Бажавага (41−2−4, 14 КО) қарши рингга кўтарилади.
