«Манчестер Юнайтед» ҳужумчиси Златан Иброҳимович мухлислар томонидан АПЛнинг декабрь ойидаги энг яхши футболчиси деб тан олинди.

Профессионал футболчилар ассоциацияси томонидан ўтказилган сўровномада футболчи биринчи ўринни эгаллади. У декабрь ойида 6 ўйинда майдонга тушиб, 5та гол урди ва 3та голга ҳаммуаллифлик қилган эди.

Иброҳимовичдан ташқари декабрь ойининг энг яхши футболчиси бўлиш учун дарвозабон Жордан Пикфорд («Сандерленд»), ҳимоячи Сесар Аспиликуэта («Челси»), яримҳимоячилар Димитри Пайет («Вест Хэм»), Адам Лаллана («Ливерпуль») ва Деле Алли («Тоттенхэм») номзодлари ҳам қўйилганди.