Фарғонанинг “Нефтчи” жамоаси 13 январдан бошлаб Тошкент шаҳрида Олий лига-2017га тайёргарлик босқичини давом эттиради. Шу кундан бошлаб фарғоналиклар “Роҳат” меҳмонхонасида истеқомат қилиб, “Чилонзор” ҳамда “Бунёдкор” футбол академиясининг машғулотлар майдонида шуғулланишади.

Айни пайтга келиб пойтахт йиғинида Фарғона клубига рақиблик қиладиган жамоалар номи маълум бўлди. Унга кўра, “Бухоро” (Бухоро), “Металлург” (Бекобод) ҳамда “Сўғдиёна” (Жиззах) клублари “Нефтчи”га рақиб сифатида танланган.

Режага асосан, 15 январь куни “Бухоро”, 18 январь санасида “Металлург” ҳамда 21 январь кунига белгиланган баҳс “Сўғдиёна” жамоасига қарши бўлиб ўтади. Бу Тошкент йиғини доирасидаги барча ўйинлар эмас. Тайёргарлик жараёни давомида яна бир қатор рақиблар билан назорат учрашувлари бўлиб ўтади.