«Реал» клуби дунёнинг трансфер рекордини янгилашга тайёр эканини намойиш қилмоқда.
The Sun хабарига кўра, президент Флорентино Перес «Ювентус»нинг 23 ёшли ҳужумчиси Пауло Дибала учун 90 млн евро беришга тайёр.
«Ювентус» клуби иқтидорли ҳужумчиси билан хайрлашишга қарши эмас, аммо пулдан ташқари «Реал»дан Модрич ёки Кроосни ҳам талаб қилмоқда.
Мадридликлар эса яримҳимоячиларини Туринга қўйиб юбормоқчи эмас, шунинг учун ҳам музокаралар боши берк кўчага кириб қолган.
Катта эҳтимол билан Дибаланинг трансфери масаласи ёзда ҳал қилинади ва «Ювентус» иккинчи марта трансфер рекордини янгилайди.
