«Барселона» жамоаси ҳужумчилари Лионель Месси ва Луис Суарес Япония телевидениесидаги бир синовда иштирок этиб, томошабинларни ҳайратга солди. Бу ҳақда «Корреспондент.net» хабар бермоқда.

Синов шартларига кўра, футболчилар бир-бирига олисдан тўп узатиши, бунда копток ерга тегишига йўл қўймаслиги лозим эди.

Футболчилар паслар узоқлигини ўлчовчи улкан жадвал олдида жойлашган кўйи шартни бажарди.

Месси ва Суарез тўп узатишни тўхтатмасдан бир-биридан узоқлашиб борди. Натижада энг олис узатиш масофаси 56 метрни ташкил қилди.

Мазкур натижа ушбу синов учун янги рекорд бўлди. Эски рекорд бундан 21 метрга қисқароқ бўлган эди.