Виктор Кумиков бош мураббийлигидаги “Олмалиқ” клуби янги мавсумга тайёргарлик босқичи жараёнида 4 январь куни Тошкентда ўзининг иккинчи йиғинини бошлади.
Клуб расмий сайти хабарига кўра, ушбу йиғин олдидан 14 нафар футболчи клубни тарк этган. Олдинги мавсумида жамоа шарафини ҳимоя қилган Умид Хонимқулов, Акмал Ортиқов, Никита Шквирин, Евгений Гоголь, Саидкомил Акбаров, Ойбек Нурбоев, Ҳасан Асқаров, Суннатилла Абдуллажонов, Достон Абдураҳмонов, Зоҳир Пиримов, Отабек Валижонов, Арслонмурод Омонов, Яҳё Рўзиев, Мўйдин Мамазулумовнинг шартномаси якунига етди.
Клуб раҳбарияти мазкур футболчиларга “Олмалиқ”даги бир неча йиллик фаолияти учун миннатдорчилик билдирди ва уларга келгуси фаолиятида омад тилади, дейилади клуб расмий сайтида.
