"Реал" бош мураббийи Зинедин Зидан жамоа ҳужумчиси Криштиану Роналду унинг ротация борасидаги режаларига рози бўлганини маълум қилди.

"Биз Роналду билан ротация борасида гаплашиб олдик. Матбуот бир нарсани тушуниши керак, Криштиану - жуда ақлли ўйинчи. Мен унинг бутун мавсум давомида яхши формада бўлишини истайман.

70 кунда 20 учрашув ўтказиш жуда оғир. У дам олиши керак, буборада у мен билан ҳамфикр.

Албатта, у футболчи сифатида ҳар ҳафта майдонга тушгиси келади, аммо биз ҳаммасини муҳокама қилдик", - дейди Зидан.